الم الغربه في أرجاء الوطن

الم الغربه في ارجاء الوطن

بيت ابو خالد وام خالد
(الاب الام –خالد وزوجته نهله وعذرا وزوجها فهد – وعذوب وزوجها ماجد – وابراهيم )
بيت سليمان ( الاب والام البنت الكبرى جوج ودانه وزوجة سليمان نوره )


في يوم 14-5-1428
في سجن الرياض الساعه 9:45

الضابط : ابراهيم جهزت اغراضك
ابراهيم : ايه نعم وجاهز انا
الضابط : تفضل معي وقع على اوراق وتوكل عالله


* وقع ابراهيم الاوراق وطلع وقام يمشي ويعد اول خطوات الحريهمن بعد سجن 10 سنوات من عمره ضاعت بين هالقضبان لكن نسى اول نسمة هوى من الحريه خلته ينسى الدنيا ما فيها والسجن وكل شيء وقف عالشارع العام *


ابراهيم ياشر بيده) تاكسي
التاكسي: هلا يالخوي تفضل
ابراهيم : انت سعودي؟
التاكسي : ايه نعم واسمي عبدالرحمن
ابراهيم : تشرفنا
عبدالرحمن : علىوين
ابراهيم: ممكن تاخذ فيني جوله حول الرياض
مشتاقلها من زمان ما شفتها ودي ادور فيها
عبدالرحمن : ان شا الله -ابتسم- الا ما قلتلي انت وين كنت علشان تشتاق للرياض
ابراهيم: كنت... بسج.... بالسجن
عبدالرحمن:هاه مسجون -خاف الولد وما يدري وش يسوي ينزله والا يكمل معه عاد هذا خريج سجون ممكن يذبحني خلني ساكت اصرف-

ابراهيم : الله يالدنيا هذي الرياض وش صار فيها زحمه وعماير ومطاعم ودنيا وش ذا الا شيء واحد ما تغير هالحر

عبدالرحمن :-يجامله- ايه والله صادق وين حاب تروح

ابراهيم: ابي الرياض
عبدالرحمن : يابوي الرياض مب شارع والا شارعين الرياض ديره
ابراهيم حس بالياس والتعب : اجل ودني حي المنار
عبدالرحمن : ان شا الله

* وصلوا لحي المنار وتحديدا عند البيت اللي ساكن فيه ابراهيم ولكنهم ضيعوا ولفلفوا الين داخوا بس بالاخير وصلوا للبيت اللي الاغلب انه بيت ابراهيم نزل ابراهيم ورن الجرس مره ومرتين وثلاث الثالثه

----: مين؟
ابراهيم : هذا بيت ابو خالد
----: وصلت خير مين اللي يبيه
ابراهيم: يمه .. ما عرفتيني انا ابراهيم
الام : ابراهيم ولدي - شهقت من الفرحه
وطارت على الباب من الفرحه مو حاسه بنفسها وفتحت الباب وعيونها مدمعه من الفرحه
وحضنت ولدها وهي كلها اشتياق ولهفه عليه وعقب السلام الحافل بالصياح والدموع
دخلوا للبيت والام طايره بولدها

الام : وش تبي اسويلك وش تبي تاكل
ابراهيم: لا يمه ما ابي الا سلامتك برتاح فوق بغرفتي .. الا ابوي متى يجي؟
الام : على 2 واحيانا 3
ابراهيم : اجل بطلع ارتاح الين يجي
الام: براحتك
ابراهيم: ايه صح يمه قولي لاخواتي يجون اليوم بشوفهم بس لاتقولين لهم اني جيت ابيها مفاجأه لهم
--- الام تصفق وجهها –

الام : ان شا الله بس ياوليدي ترى رجال خواتك ومرة اخوك ما يدرون عن سالفتك حنا قايلنلهم انك كنت بأمريكا
ابراهيم : -بنظرة خوف من الحريه – طيب
------واتجه ناحية الدرج علشان بيطلع غرفته –
وهو بنص الدرج الام : ابراهيم ترى غيرنا غرفتك صارت ( الغرفه الصغيره اللي عند الدرج )
وغرفتك صارت غرفة العاب للبزران

ابراهيم بعبره وكره للحريه سكت بدون تعليق وطلع فوق رمى نفسه على السرير وهو يحس بمصير مؤلم في الوطن الا بغربته بين هالناس وهالمجتمع
--- بدات الاتصالات بين الام وبناتها وولدها والاب وطبعا قالتلهم انه جاء وما خلتها مفاجاءه لهم

---الساعه 2ونص ببيت عذوب الاخت الصغرى لابراهيم
وعلى سفرة الغداء
عذوب : اليوم ابي اروح لاهلي المغرب
ماجد: وليه ان شا الله ؟
عذوب: ابراهيم اخوي رجع
ماجد: لا احلفي وحنا بامره وينه يوم عروسكم وراء ما جاء والا ما يتنزل بروفسور زمانه
عذوب: ظروفه ما كانت تسمح انه يجي والا كان ما قصر
ماجد: اقول انثبري وانطقي ما فيه روحه اقعدي ببيت احسنلك
عذوب : الله يخليك بعدين بكرا فيه عشاء بيسونه علشانه وانت معزوم عليه
ماجد: ايه طيب بكرا تروحين معي
عذوب : بس اليوم
ماجد: خلااااااااااااص قلت ما فيه
عذوب : طيب خلاص


---- بيت عذرا الاخت الكبرى لابراهيم
عذرا : اليوم بروح بيت اهلي ابراهيم اخوي رجع من السفر
فهد: لا الحمدلله على سلامته ايه روحي براحتك
عذرا : هههههه ومن قالك اني اشاورك انا بس احط عندك خبر
فهد:ادري وهي مجرد كلمه تنقال بتاخذين سعد
عذرا : بساله اذا يبي اولا


الام: ابراهيم قم يمه بياذن المغرب خلاص خواتك بيجون اللحين يالله
--رن تلفون البيت
الام :الو هلا يمه
خالد: كيف الحال وش اخبارك
الام: الحمدلله بخير ونعمه
خالد: ترى نهله ما تقدر تجي اليوم بتروح تزور وحده بس ان شالله بكرا بتجي
الام: ايه براحتها
خالد:تامرين شيء
الام: لا سلامتك


------اذن المغرب وعذرا بالسياره وتكلم عذوب بالجوال

عذرا: هذا ما لقى من يوقفه عند حده هو وش دخله يتحكم فيك ويمنعك
عذوب: خلاص بكرا بجي انا ما اقوى عليه هذا اذا عصب الطلاق عنده ببلاش
عذرا: الله والعيشه تطلقي
عذوب : لا ما ابي اكون مطلقه للمره الثانيه
عذرا: اصلا المفروض مارجعتيله يوم طلقك
عذوب : لا احلفي وعيالي
عذرا: اقول انت الكلام معك ضايع يالله مع السلامه
سعد ولد عذرا عمره 9 سنين وولد جدا ذكي
سعد: يمه انا اول مره اشوف وحده تقول لاختها تطلقي
عذرا : وانت وش دخلك بلا لقافه
وصلوا لبيت الاهل ودخلوا وسلموا وبعد نص ساعه نزل ابراهيم وسلم عليهم
وعقبه بشوي جاء خالد وجلسوا مع بعض يسولفون وسعد استلم ابراهيم اسئله
سعد: رحت الدزني
ابراهيم: لا
سعد: اللحين مليون سنه بامركا وما رحت دزني
عذرا : رايح يدرس مب يلعب يالله ظف وجهك
سعد:يمه بسولف
عذرا قمه في التوتر تخاف ينفضحون
سعد:رحت ؟..... البيت الابيض
ابراهيم:لا
سعد:اف انت وين رحت شكلك مخيس بالجامعه
--خالد التفت على عذرا
خالد:اللحين وراك جيبتي هالنشبه ذا
عذرا: هو اللي لزق فيني
الام: ترى اليوم بعد شوي بنروح للمشغل علشان فستاني حق زواج ساره
عذرا:ايه ان شاالله خلاص اكمل فنجالي ونطلع
الاب: يالله استودعتكم الله بطلع
خالد: وانا بعد استاذن
ابراهيم: يالله انا بطلع اصلي
عذرا: بالمسجد؟
ابراهيم :ايه
عذرا: لا وشلون عمر بامريكا وتصلي بمسجد
الام: هووو تبين الناس يقولون ولدنا فاسد واذا كان بامريكا رح يمه ما عليك منها
--طلع ابراهيم وهم طلعوا للخياطه وسعد قعد بالبيت
رجع ابراهيم بعد الصلاة للبيت لقى سعد بوجهه
سعد: انت ليه بس ساكت وراء ما تتكلم
ابراهيم : ما عندي شيء اقوله
سعد: قل أي شيء اسالني وانا اجاوب
ابراهيم : انت وش اسمك
سعد: انا سعد ولد فهد ال... وعمري 9 سنين وامي عذرا وعندي خاله اسمها عذوب متزوجه ماجد فهد ال.. وعندها تؤام فهد وفهده عمرهم 5 سنين وعندي خال متزوج من نهله احمد ال...
وعنده ثلاث بنات حصه وعبير وهند
ابراهيم ما استوعب
ابراهيم : لحظه خالك من متزوج ؟
سعد : نهله احمد ال... بنت هند صديقة امي حصه
ابراهيم بلع ريقه وبدا يتاتا : ايه عرفتهم
سعد: وعندي خمس اعمام ثلاث متزوجين..............................
--- وقعد يقرق على راسه الين رجعوا امه وجدته من الخياطه واخذت عذرا ولدها وراحوا البيت
وابراهيم تعشى ونام


---من بكرا الصباح الساعه 11 صحى ابراهيم من نومه افطر وجلس مع امه
وقعد في غرفته يرتب ويخربط فيها وتغدى مع ابوه وبعد المغرب طلع متجه بطريقه
الى الماضي راح يبي يلتقى باصدقائه طبعا قلهم بيتوتهم قريبه من بعض يعني كل بيت عن الثاني 10 شيء زي كذا وهم ساكنين الربوه وما جاورها
اتجه اول شيء لبيت محمد صديقه ضيع الطريق لف لف الين لقى بيت يشبه بيت محمد نزل من التاكسي
رن الجرس
بنت صغيره : الو
ابراهيم :السلام عليكم
البنت: من تبغى
ابراهيم: محمد موجود ؟
البنت: ماما واحد يبغى محمد
ام النت: مين وش يبي فيه
البنت: مين وش تبي فيه
ابراهيم: انا صديقه ابراهيم
البنت: ههههه اصلا هو بزر وشلون انت صديقه
ام البنت رفعت اخذت السماعه : مين
ابراهيم: السلام عليكم
الام: وعليكم السلام
ابراهيم: محمد موجود انا صديقه ابراهيم
ام البنت : لا اخوي شكلك غلطان
ابراهيم : طيب اسف عالازعاج
---- رجع لسيارته بخيبة امل كان وده انه يشوفه اتجه لبيت سليمان اللي بالريان
وعالبال ما وصل ونزل......... وطلع سليمان بعد مو موجود
طفشت من حالته ورجع البيت

-------- بيت خالد
نهله قالبه الدنيا ومو مقعدتها تدق على اختها نجود اللي مسافره للاردن تعالج واختها كانت مقفله جوالها وتدق الييييييييييييييين رد سلطان زوج اختها
نهله : الو
سلطان: الو
نهله : وين نجود
سلطان: تعبانه ونايمه
نهله: خلها تكلمني ضررووووووووووري اوكي
سلطان: عسى ما شر
نهله: اسرار خاصه المهم خلها تكلمني طرخ
سلطان: وجع عمى انا تصك السماعه بوجهي
---- انتبهت نجود
نجود: سلطان
سلطان: سمي
نجود: ابغى مويه
سلطان: ان شا الله لبيه
نجود: شكرا
سلطان جابلها المويه وينا ظرها ويبتسم
نجود: وش فيك؟
سلطان: سبحان من خلق وفرق بينك وبين هالسعلوه نهله
نجود : اوف ليه ؟
سلطان: دقت تو تبيك ضروري تخيلي ولا سلمتك ولا مع السلامه لا وتنافخ بعد
نجود: الله يعينها على نفسها وش فيها
سلطان: اسرار خاصه مالت عليها اسف حبيبتي ادري اختك بس مره قهرتني
نجود: ههه لا عادي عطني الجوال ادق عليها

نهله: اخيرا عمتي ما بغيتي
نجود:لا اله الا الله نهله وش فيك
نهله: تخيلي الكلب الحيوان ابراهيم رجع من امريكا
نجود: مين ابراهيم
نهله: اخو رجلي
نجود: ايه طيب
نهله: وشو طيب هذا حبيبي حبيبي رجع ياغبيه
--نجود سحبت نفسها وطلعت للبلكونه
نجود: نهله انت متزوجه لا ومين اخوه وعند بنات بلاش هالكلام الماصخ وقلة الادب اللي تحب ما تخون(الم الغربه في ارجاء الوطن للكاتبه بنت الاخضر)
نهله: اوووه علينا تزوجت واحد تحبه وقامت تفلسف تكفين وش استفدتي هذاك عيال مب قادره تجيبين اذا كان رجال اصلا
نجود: نهله التزمي حدك وتجرءي وعيدي هالكلام وربي لاوريك شغل الله
نهله: لا خفت مرررره يمه
نجود: تدري كلي... والا بعد حسوفه عليك
وصكت السماعه بوجهها وقفلت الجوال وعيونها غارقانه بالدموع
نجود: يارب يارب ابغى اجيب عيال ابغى احد يقولي ماما ابي اسمع صياحه وازعاجه يارب

طل عليها سلطان شافها تصيح ما هانت عليه راح وخمها وبكى معها


-----بيت سليمان
نوره زوجة سليمان : دانه تعرفين واحد اسمه ابراهيم يصير صديق سليمان
دانه عمرها24: مييييييين ابراهيم
نوره باستغراب : ايه ابراهيم جاء قبل ساعه او اكثر يسال عن سليمان
دانه لمعت عيونها: ابراهيم نوره نوره هذا ابراهيم هذا اللي احكي لك عنه
نوره: ابراهيم اللي تحبينه
دانه: ايه نوره رجع ما قلتلك بيجي
دانه: نوووووووووووووره احبك وخمتها
نوره: وش فيك انهبلتي
دانه : بعذري
---- دخلت الام وقاطعتهم دانه اختك تسالك عن المطعم اللي رحنا له ذاك اليوم وش اسمه
دانه: أي واحد
الام: اللي رحتله انا وانت وابوك
دانه: ايه مطعم روما
الام : ايه عجزت اجيب اسمه
دانه: هووو يمه ترى جوج تعرفه قديم المطعم
الام: ادري بس انا احكيله عن اكله ونسيت اسمه
دانه : اها يمه متى بيجي ابوي ؟
الام: ما ادري
دانه: طيب

--------خلص اليوم وانطفت انوار البيوت وبقيت انوار الشوارع
والرياض بالليل اجمل

يوم الاربعاء العزيمه على شرف
ابراهيم نزل المغرب للصاله لقى خواته سلم على عذوب بحراره لانه مره يحبها وكانت صديقته مره
عذوب : كيفك ان شا الله بخير
ابراهيم: الحمدلله تمام يانا مشتاقلك مررره ( قالها من قلب)
عذوب وهي ميته مشتاقتله: وانا بعد
ابراهيم: مبروك على زواجك والعيال لو انها متاخره
عذوب : الله يبارك فيك
عذرا: الا صح بقولك اسمع ( بصيغة امر ونفاخ) ترانا قايلين لرجالنا انك مغرور وعلى شان كذا ما حضرت زواجاتنا وان علا قتنا معك مب مره زينه يعني مو زي مع خالد وانك ما تتنزل تحاكيهم ولا تعطيهم وجه و..
قاطعها ابراهيم : ما راح اتكلم ابد احسن والا
عذرا : لا عاد مب لهدرجه
ابراهيم: طيب انا بطلع فوق
قامت عذوب تبي تلحقه حز بخاطرها كيف عذرا تكلمه كذا ورحمته
عذرا: وين ؟
عذوب : حرام عليك مره قسيتي عليه
عذرا: هههه اذا طلقتي مره ثانيه قولي رحمته
خافت عذوب وسكتت جت نهله وبناتها وانقسموا الرجال مع بعض والحريم مع بعض
وتعشوا وبعد العشاء




ماجد: فهد ناد امك قله يالله بنروح البيت
فهد: طيب


فهد: ماما ماما بابا يقول يالله
عذوب بدون نفس : طيب بلبس اختك البلوزه


عذرا: ههه انت مره عاطيته وجه انا بطلع مع السواق مب هو يامرني
عذوب : كل وحده وحره بحياتها
عذوب: يالله مع السلامه
الام: مع السلامه

نهله : خاله تامرين شيء نبي نطلع انا وخالد
الام: لا سلامتك انشوفك بعرس بكرا
نهله: ان شا الله
الام: الا صح وش تبي تلبسين
نهله: فستان شاريته من العليا مول لونه زهري
ا لام: ايه نشوفه اجل
نهله: مع السلامه
عذرا: سعد يالله قل للسواق يشغل السياره
سعد : يمه ابوي موجود ليش ما نطلع معه
عذرا: وليش عندنا سواق تبي رح انت مع ابوك وانا والشغاله مع السواق
سعد: لا خلاص بروح معك
وطلعوا
عذوب بالسياره : كيف جلستكم ؟
ما جد : الا اخوك ذا يا ثقل دمه مغرور وافففففففففف حوم كبدي
عذوب: مب لهدرجه
ماجد: ايه مره باين لا تدافعين عنه لانه اخوك

وصلت عذرا لبيتها ولقت زوجها فهد
عذرا: وصلت قبلنا ما شاالله
فهد: لو انك جايه معي كنت وصلتي بدري
عذرا: لا ما ابي وش رايك باخوي
فهد: ما عليه مب سي مره بس انه قليل كلامه الا صح بالعاده سلطان رجل اخت نهله يجي
عذرا: مسافرين الاردن
فهد: اها زاد عبدالله اخوها جاي واخوها ذاك وش اسمه نسيت
عذرا: عماد
فهد: ايوه عماد بعد جاي تبين شيء بروح انام يالله انا بروح انام
عذرا: لا انا بكلم عذوب
عذرا: الووووووو هو وراك ساكته
عذوب : لحظه انا بالغرفه اصبري بطلع للصاله
عذرا: وليه ان شا الله سي السيد نايم
عذوب: لا مانام بالحمام مروق الاخ يبي شاي وبتفنجل بعد
عذرا: وش قال رجلك عن ابراهيم ؟
عذوب: قعد يسب فيه
عذرا: والله وقح
عذوب: دايم كذا
عذرا: وش بتلبسين بكرا؟
عذوب: بلبس اللي لبسته لزواج امل
عذرا: وليش ما تشترين جديد
عذوب:ما ابغى
عذرا: قولي مايبي يعطيك
عذوب : رجلي طلع من الحمام يالله مع السلامه
عذرا: دايم الحق يزعل






الخميس يوم الزواج البيت مليان حوسه البزران والام تنافخ عليهم وعذرا جايبه لها ولامها ونهله كوافيره اما عذوب فهي مصلحه مكياجها وشعرها لان رجلها يمنعها من كل شيء

سعد قاعد بغرفته خاله ابراهيم ويقرق على راسه : انت وش تعرف من المغنين؟
ابراهيم : اعرف راشد الماجد و
قاطعه سعد لا لا اقصد البنات
ابراهيم: ما اعرف احد نوال الزغبي
سعد: هو قديمه ما تعرف نانسي
ابراهيم: لا
سعد: طيب اسمع انا عندي خطه انا جوووووووووووووووعان وش رايك نجيب اكل من برى بس انا وانت
ابراهيم : وشو يعني وش تبي شاورما
سعد: اللحين خطه وشاورما وع خطه يعني همبرجر انت صح مره تحب الشاورما
ابراهيم: ليه وش دراك
سعد: مره امي حصه جبنا شاورما وقعدت تصيح تقول تذكرت ابراهيم وامي هزئتها تقول ما احد يقاله يسوى اللي سواه
ابراهيم: اذا اقرب الناس كذا ما على الناس شرهه
سعد: وش قلت ؟
ابراهيم: ولا شيء المهم متى تبي نجيب العشاء اللحين الساعه 7ونص
سعد: بعدين الساعه 11
ابراهيم: طيب
سعد: اسمع ذاك اليووووووووم والخ يخرط عليه شيء صدق وشيء نصب


------ بالزواج
الام لا بسه فستان اسود مشجر باحمر ومستشوره وشعرها ولا بسه طقم ذهب

عذرا مشخصه بفستان شاريته من ساكس لونه اسود ما فيه شيء بس اسمه ب10 الالاف
ومسويه تسريحه كلها كرلي وبالاخير شريطه حمراء

وعذوب مللفلفه شعرها برولات وجايه ولابسه فستان ستان سماوي وهو بسيور

ونهله مسويه على باله تسريحة اليسا وبف ومدهره وفستانها زهر وفيه شك وترتر

دخلوا للزواج وسلموا وجلسوا

الام: لا اله الا الله وش هالعرس ما شا الله وش التقديم
نهله: ايه ياخاله اذا ذولا ما سووا كذا من يسوي حنا ياحسره
عذرا : لا والديكور والملابس والشعور والمكياجات والالماسات ااااااه بس ياحسرتي مرتين
عذوب: الديكور مره حلو كا نه قلعه قديمه تدرون شكلهم على شان كذا مختارين المقصوره لانه فيه عواميد ما شيه مع الديكور

وخلص العرس وهم للحين يتكلمون بكل خلق الله وسواليف ودنيا وطقاقه واغاني ورقص وعالم
الساعه 4ونص الفجر ولقت الابو باستقبالها
الاب: الحمدلله على السلامه ما بغيتوا
الام: حنا اول من طلع
الاب: ما شا الله دايم اظن الناس يصكون البوابه ممنوع الخروج قبل الفجر
الام: عاد هذي عروسنا









وبعد مرور اسبوع والايام تروح وتجي وابراهيم زي ما هو على نفس حالته يوم الثلاثاء المغرب
ابراهيم: يمه انا بطلع اصلي تامرين شيء
الام: لا سلامتك يمه رح
ابراهيم: مع السلامه


-------بيت سليمان
نوره زوجة سليمان : سليمان رحت لابراهيم
سليمان: لا ما رحتلوه ما فضيت هالاسبوع كلوه شفتات
نوره: هو كان صديقك مره ليش فجاءه اختفى
سليمان: الله اعلم سافر لامريكا وما عاد ندري عنه أي شيء
نوره: اها
سليمان : بكرا ان شاالله بعد المغرب بروح بيتهم بشوف هو اللي جاني والا لا
نوره : ان شالله

----دانه تكلم صديقتها وفا
دانه: الله يا وفا لو يخطبني ابراهيم ويصير يحبني الله
وفا: مره مصدقه حنا حذوذنا مسكينه من ردي لاردى حتى الصداقه الظاهر فيها رداة حظ
دانه: ما قلتلك اصلا يقولون الحظ يورث والطيور على اشكالها تقع
وفا: وش ذا التحطيم حرام عليك ياليت زوجي يحبني الله تخيلي يجي من الشغل واطبخله الاكل اللي يحبه واكله بيدي ياي
دانه: ههههههههه مره مصدقه اصلا انت ما تعرفين الرجال اذا جاء بيقولك وع منب مشتهي وع الاكل مالح
وفا: حرام عليك لاتعقدين ترى ماراح اتزوج بسبتك





-------بيت خالد
خالد: نهله اختك وش صار على علاجها
نهله: وش دراني عنها ما ادري ماسالتها
خالد: طيب متى بترجع ؟
نهله : انت وراك تسال وش عندك ؟
خالد: ابد ما عندي شيء بس كذا
نهله: تدري ذكرتني ابدق عليها
نهله: اف مقفل مالت عليها
خالد: انت من رجع ابراهيم ونفسيتك خايسه
نهله : ليه وش قصدك ؟
خالد: قلتي هذا جاء ويتزوج وتجي زوجته ويصير مقارنه ودنيا وانت المدلعه
نهله ابتسامه صفرا: هههه لا عاد انا الغاليه



------- بالاردن
نجود: سلطان حبيبي مره طفشانه
سلطان: امري ياعيون سلطان تبين نطلع نطير نسافر اللي تبين
نجود: هههههه أي مكان المهم معك
نجود: تصدق مشتهيه مكرونه
سلطان: ولا بنفسك يالله البسي
نجود: يا حبيلك سلطان انا لو الف الدنيا كلها ما القى رجال زيك
سلطان : انا ما راح الف عارف ان انت وبس

انتهي اليوم وانطفت انوار البيوت الا انوار الشوارع والرياض بالليل اجمل
(الم الغربه في ارجا الوطن للكاتبه بنت الاخضر)
يوم الاربعا الظهر على الغداء
ابراهيم : يبه ممكن اتكلم معك بموضوع
الام : بعدين
الاب : لا تكلم عادي
ابراهيم : ودي اشتغل ومثلك عارف لا شهادة جامعه ولاشيء لا وخريج سجون
الاب: وش رايك طيب وش تبي تشتغل
الام : افتحله محل عقار
الاب : من وين لي فلوس ؟
الام : هوووووو لك فاتح هالعقار وتبيع عجزان تفتح لولدك
الاب: لا افكر بالموضوع
ابراهيم : الحمدلله بطلع اتوضئ للصلاة


صلى العصر وجت بعد العصر عذرا وسعد وسعد زي العاده قعد عند ابراهيم وبدا يخرط عليه اذن المغرب طلعوا صلوا بعد الصلاة قعدوا يتقهون ويسلفون الين جت نهله ابراهيم سحب نفسه وطلع فوق لانه ما خذ موقف منها

طلعت نهله فوق بدون ما يحس عليها احد ولا خافت من ربها ولا من رجلها ولا من ان احد يشوفها
نهله : ابراهيم انت تتذكرني والا نسيتني
ابراهيم انصدم خير وش تبي ذي : نعم
نهله: انا نهله نهله اللي تحبها وتحبك نهله اللي ترسلك رسايل مع اخوها عبدالله انا
قاطعها ابراهبم: انت نهله زوجة اخوي خالد بس فاهمه
نهله : لا زوجوني بالغصب صدقني
ابراهيم عصب : لا تكذبين امي حكت انك كنتي ميته على خالد وتحبينه انتهى الموضوع ودخل غرفته وصك الباب


بعد صلاة العشاء رن الجرس البزران بالحوش فتح سعد الباب
سليمان: السلام عليكم
سعد: وعليكم السلام
سليمان: ابراهيم موجود ؟
سعد: خالي ابراهيم ايه موجود من انت ؟
سليمان: قله سليمان
سعد: طيب لحظه


------دخل جوى طيران على فوق
سعد: وووووووووووويووووووووووويوووووووووووويوييييويييييي ييييييييييييييييييي خالي ابراااااااااااااااااااااااااااااااااااااااااااااهي م اه تعبت فيه واحد عند الباب يبيك اسمه سليمان وشكله حلو

ابراهيم فز سليمان ونزله وسلم عليه من زمان عنك تفضل ودخله جوه ولزق فيهم سعد سليمان حس ان ابراهيم مو مرتاح ققرر انه ما يطول
سليمان: انا استاذن بطلع عندي شغل وهذا رقمي ونلتقي قريب باذن الله
ابارهيم: ان شا الله سليمان محمد وين ساكن
سليمان انصفق على وجهه:م ح م د يطلبك الحل متوفي من فتره
ابراهيم انصدم : متى وشلون وكيف ؟؟؟؟؟؟؟
سليمان : امر ربك قبل سنيتين تقريبا لما كان بامريكا سكته ما كا ن فيه شيء
ابراهيم تاثر وكتم بقلبه طلع سليمان وابراهيم راح للغرفته وقعد يصيح صديقه كانوا ثلاثه مع بعض دايم ويسمونهم مثلث برمودا

وانتهى اليوم وانطفت انوار البيوت الا انوار الشوارع انوار الحزن في عيون ابراهيم والرياض بالليل اجمل (

من بكرا كان الاب يفكر بفكرة انهم يشوفون محل علشان مكتب العقارات اللي بيفتحه ابراهيم وقاعد يناقش مع ابراهيم بالموضوع بكتب العقار حق الابو والام كانت بالبيت رن التلفون

الام : الو
سليمان: السلام عليكم
الام: وعليكم السلام
سليمان: ابراهيم موجود ؟
الام: لا ياوليدي مو موجود طالع
سليمان: طيب خاله انا سليمان معه جوال تعطيني رقمه
الام: لا ياوليدي ما حفظته رقمه جديد بس حافظه رقم ابوه وهو مع ابوه
سليمان : مب مشكله عطيني اياه
الام: 05....................
سليمان: زين شكرا تامرين شئ
الام: لا سلامتك
سليمان: مع السلامه

------دق سليمان على جوال الابو وطلب ابراهيم وعطاه اياه وكان داق علشان يعزمه على العشاء بالليل واتفقوا على كذا
رجعوا للبيت وتغدى وجلس مع امه يسولف بعدين راحت الام تتمدد شوي على الساعه 4ونص دخلت عذوب دورت مالقت ازعاج امها نايمه وعذرا ما بعد جت فرصتها انها تروح لابراهيم
وتقعد معه لانه تموت عليه

طلعت فوق طلقت الباب
ابراهيم: مين ؟
عذوب : انا انا عذوب
ابراهيم: ادخلي
عذوب : اهلين كيفك شخبارك ؟
ابراهيم: الحمدلله الاخبار كلها عندكم انا ما عندي غير اني اناظر هالدنيا ووش صار فيها
عذوب: اااااااه على هالدنيا( قالتها باسى)
ابراهيم: انت مو مرتاحه صح ؟
عذوبدمعت عيونها)لا عادي بالعكس عندي عيال والحمدلله احسن من غيري
ابراهيم: الحمدلله عيالك ذولا وش قصتهم شخصياتهم غريبه
عذوب: لا عادي بس ابوهم الله يهديه عصبي علشان كذا هم
ابراهيم: الله يهديه
ابراهيم: تتذكرين سليمان صديقي
عذوب( بلهفه) سليمان...ال.......
ابراهيم: ايوه هو عازمني اليوم على العشاء ببيتهم
عذوب : للحين هذاك بيتهم اللي بالريان
ابراهيم: ما شا الله ذاكرته
عذوب: وشلون انسى ذاك البيت يجنن ما شاالله كنت احلم يكون عندي بيت زيه والا هو ( قالتها بالغلط )وامه وخواته يجننون
ابراهيم: ( نزل عيونه وبدون ما يناظرها) كنتي تتمنينه ؟
عذوب: ايه بس ماكان املي كبير لاني ما اناسبهم
ابراهيم: وليش ماتناسبينهم
عذوب: اولا القصمان يحبون ياخذون من بعض وثانيا ماقد حسيت انه انتبهلي
ابراهيم: الاولى ممكن لكن مب كلهم اما الثانيه ضدها اصلا هو ما قد انتبه لاي بنت مو اهتمامه طول عمره يبي الزواج التقليدي امي تشوفها وتخطبها وبس
عذوب: اريحله وش فاد الرومنسين امثالك شافوا الخيانه عيني عينك
ابراهيم: تراني ناسي الموضوع وما عاد يهمني
----- قاطعتهم بنتها
فهده: ماما خ نهله جت
عذوب: بسم الله ذا القطو جت افففففففف يالله بنزلها اكرهها
طلعت وسكرت الباب
ابراهيم ( يحاكي نفسه) ما تدري وش سوت هالرديه بعد

----نزلت عذوب تحت سلمت عليها وعلى امها وجلسوا يتقهون ويسولفون نزل المغرب ابراهيم راح صلى بعدها لبس وتكشخ وطلع لبيت سليمان

---بيت سليمان
سليمان: نووووره يالله هاتي البخور الرجال جاء اللحين وانت ساعه تتمططين
نوره : طيب طيب اللحين من هاللي بيجي ومسويله كل ذا الازمه
سليمان: ابراهيم
نوره: اها علشان كذا طيب والعشاء
سليمان: طالب رز على نص ذبيحه
نوره: كثير مره
سليمان: لامب كثير الباقي تصدقوا فيه والا سوا اللي تبون
جوج: السلااام عليكم
الكل: وعلكيم السلام وش فيك ؟
جوج: انتم وذا درجكم حرام عليكم انا حامل ارحموني
سليمان: ان شا الله مدام جوزاء بنحطلك سلم كهربائي والا مصععععد احسن
جوج: وجععععععع لا تقول جوزاء جوج اسمي جوج
سليمان: انا ما ادري وراك تكرهين هالاسم مره حلو بس انت دلوعه
جوج: ايه طيب
نوره : سليمان جوالك يرن اكيد جاء
سليمان: الا والله هذا هو الله يلجكن
جوج: وش عندوه مستلج ذا ؟
نوره: بيجيه اليوم صديقوه ابراهيم
جوج: من ابراهيم؟
نوره: يقول صديقه ايام المدرسه
جوج: ياقدمي من وين طلع ذا احسه مغبر
دانه: اهلا وشو اللي مغبر؟
جوج: سلمي اول يالقاطعه بعدين تلقفي
دانه : السلام عليكم
الكل وعليكم السلام
جوج: اللحين اقولك وشو اللي مغبر تخيلي من جاي لسليمان اللحين
دانه: مين ؟
جوج: ابراهيم ال........
دانه(فزقلبها): ابراااااهيم ياحليلوه
جوج: وين امي اجل ماشفتها ؟
دانه بعالم ثاني طاااااارت بعيد
نوره: خالتي رايحه مع خالي يزورون عمي علي
جوج: اه عم ابوي
نوره : لا عم امي
جوج: بلا فلسفه وابوي اخو امك
نوره:ههههههههههه
دانه تركتهم وراحت

---- سليمان عند الباب يسلم على ابراهيم
سليمان: هلا والله وغلا حيا الله من جانا
ابراهيم: الله يحيك
سليمان: شكلك ضيعت البيت صح ؟
ابرايهم : الاوالله ضيعته شوي
سليمان: الله يالدنيا ابراهيم يضيع بيت سليمان يالله الحمدلله على كل حال
ابراهيم : سليمان وش هالحكي ؟
سليمان: ادخل يارجال امزح
--دخلوا للمجلس وجلسوا وبدوا يسلفون
سليمان: هاه يابو عبدالله كيف احواك وامريكا شخبارها
ابراهيم: هه سليمان انا ما ادري اذا اتكلم والا لا بس ما اقدر اكذب عليك ما اقدر اكذب على مثلث برمودا
سليمان قرب منه حسه فيه حس انه مكتوم : ابراهيم وش فيك تكلم ابراهيم انا سليمان اللي توقف الدنيا فيك انا معك ابراهيم انا عقبك وعقب محمد الله يرحمه ما عاد لي اخو بهالدنيا

ابراهيم بدت عينه تدمع: سليمان انا ماكنت بامريكا ولاسافرت انا كنت مسجون مسجون ظلم ظلم والله مظلوم ( انفعل بالحكي وزادت دمعه)

سليمان: ابراهيم هد اعصابك الله يخليك ابي افهم

ابراهيم بدا تهدى اعصابه وبدى يمسح دموعه : تتذكر اخر مره التقينا فيها لما كنا ببيت محمد سهرانين انا طلعت من عندكم ورحت شريتلي شاورما ولبقت بالحاره وقد اكل من لقافتي شفت اثنين كانهم يطاقون نزلت من السياره ومشيت لهم لقيتهم واحد سعودي وواحد اجنبي وبينهم هوشه قويه مره المهم حاولت افكهم ما قدرت الاجنبي كان معهم كيس والسعودي يبي ياخذه شوي الا جت الشرطه وما شفتلك الا غبار الاجنبي ورمى الكيس اللي معه قمت اخذته الا على وقفة الشرطه ومسكوني والسعودي والكيس هو اللي سجني 10 سنين

سليمان: الكيس وش كان فيه؟
ابراهيم: مخدرات مغلفها بملابس وحاطها بالكيس ومسكوني على اني انا اللي اهرب وصحت وصرخت مظلووووووووووووم والله مظلوم ومحد سمعني

سليمان: طيب المدمن ما قالهم انك برئ
ابراهيم: يسلم عليك كان فاقد بشكل فظيع واليم لكن ما انسجن لما شافوا بطاقته لانه شيء وعنده ( واو) ولا همه انا انسجن والا لا اصلا من شافوا بطاقته خلوه يروح وانا اللي اكلتها مسكوني بالجرم المشهود

سليمان: طيب وشلون طلعت اللحين
ابراهيم: قبل 2 انجسن واحد معنا قصة طويله وكان يعرف محامي شاطر ومره قوت علاقتنا مع بعض وكلم المحامي اللي كان موكله عن سالفتي وهو اللي ساعدني

سليمان: واللحين هذا اللي كان معك وينه؟
ابراهيم: سافر اول ما طلع بس سوى اجراته وعقبها سافر
سليمان: ( ناظره نظرة اسى) وهذا انت يا ابراهيم دمعته عيونه وحنا حسينا بالخيانه لانك رحت ولا قلتنا يامى حكينا فيك وحشينا وسبينا بالذات محمد لانك تدري امريكا وش كانت تعنيله انقهر كيف انك تروح وهو لا ولا حتى تقوله اما يوم طلعتله البعثه واطمئن قلب وعدني ووعد نفسه انه بيدور عليك هناك بس ابراهيم اهلك وين موقعهم من الاعراب وينهم عنك وين كانوا ؟

ابراهيم: قرروا اهلي انهم ما يضيعون مستقبل الباقين على حسابي وتكتموا على الموضوع تدري انهم ما كلفوا خاطرهم يجون يزوروني حتى الا ابوي يجني كان اول ما انسجنت ومن عقبها خلاص ما عاد يجي قالي ياوليدي تسببلي احراج اذا جيت انا اسف ما عادني جاي

سليمان: اللي راح راح ابدى حياة جديده ولك اخو بهالدنيا ترى واي شيء تحتاجه انا موجود واذا تبي تعال اشتغل عندنا بالشركه ولو ما معك شهادة جامعه عادي انا واسطتك

ابراهيم: الله يسلمك ما تقصر انا بفتح محل عقار لكن بجهه غير جهتنا تعرف الناس اللي هنا لو اصادف احد صعبه جاي من امريكا وفاتح عقار

سليمان: ههههه دارس عقارات عادي تصميم معماري
ابراهيم: لا فن حضارات على قولة عذرا اختي
سليمان: وع ذي للحين على قيد الحياه يا كرهها اختك ذي
ابراهيم: وانت صادق بس عندها ولد يجنن وذكي مره اللي شفته سعد
سليمان: ايه عرفته وكان فيه مبزره بعد يوم اجيكم
ابراهيم: ايه التوام عيال عذوب
سليمان: ياحليلها من اتزوجت
ابراهيم: عذوب اخذت ال....... وعذرا ال.........
سليمان: وخالد اعرس والا للحين معنس
ابراهيم: الا تزوج وعنده 3 بنات بعد
سليمان : ودي اسالك سؤال بس مستحي
ابراهيم: ابتسم لا عادي اسال
سليمان: هذيك اللي كنت تبيها وش اخبارها
ابراهيم: ههههه قصدك اللي كنت احبها تزوجت وكنت متوقع هالشئ لكن من تزوجت اقرب الناس لي اخوي خالد
سليمان: انصدم بنت ال استغفر الله حقيره ضاقت
ابراهيم: بالطقاق ماتهمني غير السيره انت وش اخبارك تزوجت وش درست
سليمان: درست اقتصاد واللحين اشتغل مع ابوي وتزوجت قبل سنه تقريبا من بنت عمتي عمتي مو شقيقه لا بالرضاع يعني اسم عمه

ابراهيم: زواج تقليدي ؟
سليمان: ايه ولله تقليدي بس خواتي خلوني اشوفها مره جابوها عندنا وشفتها وعقبها خطبتها
ابراهيم: ما جبت مبزره
سليمان: لا تو الناس لحظه عن اذنك بجيب العشاء

جلسوا يتعشون
سليمان: تتذكر ذاك الولد اللي كان اصغر مننا ولد ...... اللي ابوه ضابط صادنا مره هربانين من المدرسه وهزئنا يوم كنا عند الفوال وهو جاء هناك

ابراهيم : لاا ما عرفته

سليمان: هووو اتذكر يوم كشنا بسيارتوه ورجعنا للمدرسه غصب عننا
ابراهيم: ايييه اللي حلف لو عدناها بيوقفنا بالقسم يوم كامل وبيحلق شعورنا ايه وش فيه
سليمان تدري ان اخوه اللي اكبر مننا اخذ اختي
ابراهيم:أي وحده .
سليمان: جوزاء
ابراهيم: والصغيره هذيك
سليمان : تخرجت من الجامعه هذيك
ابراهيمك ياحليها

دانه تكلم صديقتها وفا : ادري انك مشغوله وبالزواج بس تخيلي ابراهيم عندنا وفا وفا فيه امل فيه امل انه يتذكرني

وفا:ان شا الله بس انا والله ما اسمع شيء الزواج مره ازعاج لارجعت بالليل بدق عليك والا تدرين بكرا لاني ما راح ارجع الا الفجر وبنام يالله مع السلامه


دانه طيب مع السلامه - وقف عند المرايه – وتتذكر كلام الناس حرام هالجمال يضيع وراها قاعده ما اعرست وش فيها... وقالت: جاء يادانا اللي يستاهلك بيجي باذن الله بيجي
ماجري الخادمه طقت الباب : دانه يالله بابا وماما يجي يالله كم كوول عشاء
دانه: اففف الله يغثك طيب اللحين بجي ياثقل طينك وانا بعز حلمي نكدتي علي حسبي الله عليك لازم عشاء ما ابي اففففف

----بيت ابراهيم
ابراهيم: ياولد ياولد
الام: ادخل ما فيه احد
ابراهيم : السلام عليكم
الامك وعليكم السلام
ابراهيمك اجل وين الناس
الام: عذوب راحت وعذرا ما جت عند اهل رجلها ونهله جوى بالمطبخ وش اخبار عشاك
ابراهيم : الحمدلله تمام انا بطلع بنام تعبت اليوم مره
الام: مع السامه
--نهله تستهبل سمعت صوته بس لعانه تبيه يشوفها لما شافته انه متجه ناحية الدرج وبيطلع فوق والمطبخ بوجهه جت اخذت اكل عيالها وركض على الباب علشان تصير بوجهه ويشوفها غصبن عنه وسوتها
ابراهيم انجع وصد علطول وطلع فوق ركض
نهله: اوه فشله ما دريت انه فيهه احد خاله مره اسفه اعتذريلي منه
الام: لاعادي يابنيتي ما صار الا الخير وابراهيم اخوك طول عمره بحسبة اخوك عماد وعبدالله
نهله بقلبها ( مالت اخو ياشينها ذا الكلمه اخوك وع)

ابراهيم في غرفته : اللحين ذي وش تبي ما اذبحهامن زينه اصلا اشوني ما توهقت فيها واخذتها هاللعابه ذي يامسكين ياخالد توهقت بحيه رقطى

--- بيت عذوب
فهده : ماما ليه ما رحنا بيت ابوي فهد
عذوب : حبيبتي روحي سالي بابا
فهده: بابا ليه ما رحنا بيت اوي فهد
فماجد:تستهبلين انتي ما تدرين اني متهاوش مع اهلي انا
عذوب: واذا تقوم تحرم عيالك من جدانهم
ماجد: والله وصارلك لسان يا عذاب مب عذوب شوفي عذيب ان ما انطميتي لتعرفين وش يصيرلك ايده حاميه وانت خير من يعرفها
عذوب : ( انقهرت وكتمت بداخلها وبصوت عبره وين بتروح*)
ماجد: بروح للي يروق اعصابي ويشفي مرضي
عذوب : متى بتبطل حرام عليك لو عيالك مره يشوفونه ويشمونه ما تخاف عليهم
ماجد: تحكين هالكلم قدام البنت
عذوب: ومن قالك البنت فيه البنت هربت من قلت تستهبلين
ماجد: احسن بعدين تعالي ترى انا بس اشم شوفي غيري وش يسون يطقون ويخونون وغيره وغيره
عذوب: لا الحمدلله انا بنعمه احسن من غيري بكثير
ماجد: دايم حريم جاحدين النعمه
وراح لغرفته علشان يهدي اعصابه
عذوب: ماكان فيه رجال من المسجد للبيت للشغل لاصدقاهم واهلهم ونظيفين من كل قرف هههههههههههههههاي قال ايش جاحدة نعمه حلوه والله

---- بيت عذرا
فهد: ترى ذبحتيني اهلك واهلك خلاص هذولا اهلي وش اسوي اتبرى منهم
عذرا: لا بس شفهم السنتهم طويله
فهد: وانت ماتقصرين بعد لا اله الا الله لسانك وش طوله
سعد بنص الدرج : بسسسسسسسسسسسسسس تراكم صجيتوني اهلك واهلي واهلها
وانا بصرخ وبقول اهلي مزعجين بس ابي اطلع انام

عذرا: انقلع لاتوطى في بطنك

بيت سليمان
نوره : كيف جلستكم
سليمان: تمام ترى انا بنام تعبان مره
نوره درت انه ماله خلق يسولف : تصبح على خير




خلص اليوم وانطفت انوار البيوت الا انوار الشوارع وعيون الامل لبكرا والرياض بالليل اجمل

مشكور اخوي فارس المنتدى على المرور الرائع...

وأنتظر لان القصه طويله حول 25 جزء ...

ودمت بود وسلام ...

من بكرا وبدا يوم جديد

الاب : السلام عليكم
الام: هلا وعليكم السلام تبي احد الغداء والا شوي
الاب: لا حطيه وين ابراهيم
الام: فوق ايناديه ابراااااااااااااااااااااااااااااااااااااااهيم
ابراهيم: سمي
الامك يالله انزل الغداء
ابراهيم: انا تحت اصلا
الام: هوووووووو وينك ؟!!!
ابراهيم: بالمستودع
--- وطلع ريحته رز على قهوه على هيل
الام: هوووووو من متى انت هنا ما شفتك
ابراهيم: كنتي تكلمين بالتلفون
الام: ايه يالله بنحط غدانا رح غسل

--- الغداء
الاب : ترى خلاص ان شا الله اوراق محل العقار بنبدا فيها هالاسبوع مب جاي الصيف الا وانت فاتحه
ابراهيم: كثر خيرك يبه وما قصرت ( وقام وحب راسه)

-----------------وبعد مرور الايام والاسابيع والاختبارات والزحمه بدت الاجازه الصيفيه

اول اربعاء من الاجازه

بيت ابراهيم :
ابراهيم : اهلا اهلا وينك يا اخ سعد من زمان عنك
سعد: والله تعرف مشاغل الدنيا واسهمي ويني تقييم وخرابيط الله ياخذهم
ابراهيم: بس والله لك فقده يا خايس
سعد: ادري حتى انا اشتقتلك
سعد: وعععععععععع سونامي جاء
ابراهيم كههههههههههههههههههه ومنهو سونامي
سعد: نهله وبناتها
ابراهيم: عييييييييييب وش ذا الكلام
سعد: اقوووول انا بطلع فوق لغرفتك ما ابيهم باي
-------- وركض مثل البرق لغرفة ابراهيم ودخل الغرفه وسكر الباب
وعقبه بثواني الا خاله ابراهيم جاء
ابراهيم: سؤال انت ليه ما تحبهم عاد شكلهم مب مره شريرات
سعد: هه بلاك ماتعرفهم بالذات حصيص وهنيد ذي سوسه
ابراهيم: اوف والله مو مبين
سعد: اصلا امهم بس تقولي اتزوج وحده من بناتي اختار أي وحده فيهم لانها عارفه ان بناتها محد يبيهم
ابراهيم: اووووووف لاعاد مب لهدرجه
سعد: اقولك سر
ابراهيم: قل
سعد: انا احب وحده بس ما ابغى اقولك مين عادي
ابراهيم: ايه عادي بس شلون تحبها ؟
سعد: ابغى اذا كبرت اتزوجها واجيب منها عيال ونشتغل مع بعض ونجيب فلوس لنا كلنا مب زي امي وابوي فلوسي وفلوسك ابغى فلوسنا وحده
ابراهيم( ابتسم لاحلام الطفوله البريئه والكبيره بنفس الوقت ) : ان شا الله
سعد: بنظرة حزن بس اخاف
ابراهيم : من ايش؟
سعد: من الخيانه
ابراهيم: نعم ووشي الخيانه
سعد: هذاك اليوم بالمسلسل واحد كان يحب وحده بعدين تخيل انها تزوجت واحد ثاني قام هو يصيح ويقول خانتني انا ما ابغى حبيبتي تسوي فيني كذا صح بس بالمسلسلات يخونون هنا بالارض ما يسون كذا
ابراهيم: هههههههههههههه لا تامل واجد احيانا هنا يسون كذا
سعد جاله احباط
---- طق الباب
ابراهيم : ادخل
عذوب : وش عندك هنا ؟
ابراهيم: عندي سعد
عذوب : اهلا وسهلا بالاخ سعد وسلمت عليهم
عذوب : سعد ممكن تطلع ابقعد مع خالك
سعد : ما ودي ما ابغى انزل عند سونامي
عذوب : والله ما سمعتك نهله كان اقبرتك
سعد: ما همتني اصلا انا ما اخاف منها
عذوب : طيب اطلع عيالي تحت لا بقعدون مع سونامي بلحالهم
ابراهيم : نهله تحت
عذوب: ايه بس تكلم بالجوال
وامي وعذرا طالعين
ابراهيم :وانت شخبارك ورجلك
عذوب : الحمدلله على البركه محل العقار الله يرزقك
ابراهيم: الله يبارك فيك
عذوب: يالله تامر شيء انا بنزل قبل ما ذا السعلوه تذبحني وتقول ما قعدت معي
ابراهيم : انزلي

----- نزلت عذوب بعدها بثواني انطق الباب
ابراهيم : ادخل
نهله: عادي ادخل
ابراهيم( فز من مكانه واتجهه للباب ومسكه علشان ماتفتحه ) : اسمعي واللي بيته بالسماء ان ما عقلتي يا نهله لا بتشوفين شيء بحياتك ما شفتيه وخالد هذا بكلمتين مني ترى يقلب حياتك فوق تحت فاهمه والله يا نهله عقبها ما تلومين الا نفسك
نهله: اب
سعد: هيييييييييييييييييييييي خاله نهله وش تسوين هنا مجنونه انت هذي غرفة خالي ابراهيم
نهله: انا انا كنت بساله عن شيء
سعد: قولي مب كذا كنك حراميه
نهله علطول نزلت وهي وجهها متصافق بمئة لون
سعد: هذي وش تبي ؟
ابراهيم:كانت تسال عن شيء بامريكا
سعد: طيب ليه كذا تسال
ابراهيم( والله البلشه وشلون افهمه): هي شكلها تبي تفلسف على اهلي انها فاهمه علشان كذا ما سالت قدامهم
سعد: اجل وش رايك تقولي علشان اذا رحت لعيال عماتي اقولهم اشياء ما يعرفونها زي يوم رحنا لاالمانيا السنه اللي فاتت
ابراهيم: تبي تفلسف عليهم
سعد: ايه ودي

----- نهله تحت انفاسها طالعه نازله وبس تبلع بريقها
عذوب : نهله وين كنت ادور عليك
نهله: كنت فوق ادور سعد
عذوب: ايه بقولك ترى قلت لشغالتك لا تسوي حلا انا مسويه نوعين حلا
نهله: ايه براحتك
عذوب: نهله فيك شيء
نهله: لا معليش عن اذنك بطلع اكلم شوي
عذوب : اذنك معك ( ناظرتها نظرة استغراب )

---- نهله برى بالحوش اخذتلها زاويه ودقت على نجود
نهله: نجود الله يخليك ردي
نجود: الو
نهله: نجود الحقيني يا نجود و( وقعدت تصيح)
نجودك نهله وش فيك نهله وش فيك
نهله: ( ترتجف ) تخيلي طلعت فوق عند ......... وقالتلها السالفه
نجود: ايش من جدك يا مجنونه تستاهلين كل اللي يصير فيك
نهله: انا ماني ناقصه تقولين هالكلام خلاص عاد قولي وش اسوي
نجود: ما ادري انت حطيتي نفسك بمكان مررره صعب
اسمعي خلك عادي ولا كنه صار شيء وانت بعد ضاقت ما صادك الا سعد
نهله: من رداة الحظ
نهله: اسمعي خالتي وعذرا جوا يالله مع السلامه


سلطان : بخخخخخ
نجود: بسم الله فجعتني
سلطان: بسم الله عليك ليتها فيني ولا فيك اسف حبيبتي
نجود: لا ان شا الله بسم الله عليك من الفجعه
سلطان: وش عندها نهله وش مسويه مصيبه جديده
نجود: ايه كالعاده اهل رجلها ( ما يدريك الخافي اعظم)
سلطان: وش مسويتلهم بعد
نجود: ما ادري عنها ما فهمت منها شيء اللي فهمته ان سعد انتبه لحركتها
سلطان: عاد سعد ياويلي سوسه المهم يا حياتي اخر يوم بهالبلد وين تبين نروح اليوم ؟
نجود: ما ادري حبيبي على راحتك
سلطان: تدرين انا شايف مطعم رومنسي كله شموع وورود وشلالات صراحه مطعم يستاهلك
نجود: يا بعد عمري

----------الرياض
نوره: سليمان سليمان خلاص لقيت مفتاحك
سليمان: شكراااااااا يا حبيلك
نوره: الله ياحلوك وانت طالع كل مره بضيع المفتاح والقاه لك
سليمان: ياويلك من ربي اللحين اول مره اقول ياحبيلك
نوره: لا بس هالمره قلتها من قلب
سليمان: اقووول عاد بتاخر عالولد يالله مع السلامه


----- مكتب ابراهيم
ابراهيم : ان شا الله على موعدنا يوم الثلاثاء نروح نشوف الارض اللي برماح
الزبون : ان شا الله على خير يالله فامان الله

سليمان: السلام عليكم
ابراهيم: وعليكم السلام هلا والله
سليمان: عسى ما تاخرت عليك
ابراهيم :لا ما تاخرت اصلا توه طالع من عندي زبون
سليمان: الله اخس وصار عندنا زباين الله يوفقك تستاهل
ابراهيم: اللهم لا حسد يالله بس خلنا نطلع تراني فاطس من الجوع

----- بيت عذوب
عذوب: ماجد حرام عليك الله يخليك خلاص لا تروح تكفى
ماجد: وخري عن وجهي عذوب الله يخليك عذوب محتاجها محتاجها
عذوب( تصيح وتترجاه): علشاني علشان عيالك هالمره بس
ماجد: ( دفها عالارض ) : انت حماره غبيه ما تنفهمين كيفي بروح وبسوي اللي ابيه
عذوب( تصيح) : يارب يارب تهديه يارب

فهد وفهده بغرفتهم بس يطلون من الباب
فهده ( تصيح) : ليه بابا كذا ليه
فهد: بابا تعبان ان شا الله يارب ربي يشفيه
فهده: طيب ليه ما يروح دكتور
فهد: ما ادري

---- اشارع التحليه ابراهيم وسليمان

ابراهيم: وش رايك ناخذ شاورما
سليمان : اقوول ظف وجهك ما فيه بنروح الريف اللبناني
ابراهيم: جوعان
سليمان: شف هذا هو بس بلبق السياره

--- وقفوا السياره ونزلوا وهم يمشون فيه شلة بنات

البنات : ياويلي وش هذولا امانه بنات شوفوا يلعن امهم يجنون
س: ياقلبي عليه يشبه توم كروز
ح: بنااااااااااااااااااات شوفوا الثاني التسطيل ياويلي لااااااااا ورزه وه بس
ك: تتحدوني ان ما كانوا قصمان اصلا كل .
س: اقول انطمي ذبحتينا فيهم

ك: ما عجزتي تعشقين قصيمي
س: اسكتي فديتهم بس خليه يجي

دخلوا المطعم
الويتر: اهلا كم شخص
سليمان : شخصين
الويتر: تفضلوا
سليمان: شفت البنات اللي تو
ابراهيم: ايه شفت شلون يناظرون انا استحيت وهم مبتلين
سليمان: تراهم اعجبوا فينا
ابراهيم: اقول انثبر تراك متزوج
سليمان : ايه صح عيب المهم خلنا نطلب
سليمان: لوسمحت
الويتر : الطلب تفضل
سليمان: تبوله حمص بالحمه وكباب حلبي وشاورما لحم و2 بيبسي
الويتر : شيء تاني
سليمان: ممم كبه وورق عنب
الويتر ك اوكي

خلصوا عشاء وطلعوا بالسياره
سليمان : الو هلا
دانه: متى بترجع البيت ؟
سليمان: هذان راجع بالطريق
دانه: خلاص اذا رجعت ابيك
سليمان: طيب اوكي

--- وصلوا البيت
ابراهيم :خير وراك رايح بيتكم وصلنب بيتنا
سليمان: لا معصي ما فيه بتشرب شاهي همن اوديك بيتكم
ابراهيم: طيب يا نشبه بس شاهي فاهم
سليمان: اقول ادخل
شربوا شاهي وخلصوا
ابراهيم: يالله بطلع
سليمان: يالله
ابراهيم : لا والله ماتطلع ورب النعمه حلفت برجع لحالي
سليمان: خلاص خلاص بس امانه رح مع السواق
ابراهيم: طيب

--- شوي وطلع ابراهيم من الملحق لقاه بوجهه وحده حلووووووووووه صك الباب بسرعه
والبنت راحت تركض لجوه
سليمان : داااااااااااااااااااااانه داااااااااااااااااانه
-------------------------------------------- بوقف لين هنا والباقي بعدين اليوم توها انوار البيوت ما انطفت وببيت سليمان الانوار شاعله وشابه ضوء

--- شوي وطلع ابراهيم من الملحق لقاه بوجهه وحده حلووووووووووه صك الباب بسرعه
والبنت راحت تركض لجوه
سليمان : داااااااااااااااااااااانه داااااااااااااااااانه
-------------------------------------------- بوقف لين هنا والباقي بعدين اليوم توها انوار البيوت ما انطفت وببيت سليمان الانوار شاعله وشابه ضوء ( الم الغربه في ارجاء الوطن للكاتبه بنت الاخضر)



سليمان اتجه بسرعه للملحق
ابراهيم: ورب النعمه انا طالع لقتها بوجهي والله ما سويت شيء
سليمان: طيب ليه ركضت بهالشكل
ابراهيم: والله ما ادري يالله عن اذنك انا اسف
سليمان: مع السلامه

ركب ابراهيم بالسياره وافكااااااااره رايحه بعيد
ابراهيم-هذي دانه اللي كانت بزره كبرت وصارت حلوه الناس وش يبون وين عيونهم كل هالجمال وتاركينه وربي احلى من اللي يطلعون بالتلفزيون –

---بيت سليمان
سليمان: دانه افتحي الباب احسنلك والا ورب النعمه ما يصيرلك خير افتحي داااااانه
دانه: ابي انام
سليمان: اقسم بالله لو ما فتحتي لاكسر الباب
دانه: نعم هذاني فتحت الباب وش تبي
سليمان: وش صار تحت
دانه : ما صار شيء والله انا كنت جايتلك وهو طلع بوجهي وركضت بس
سليمان: طيب ليه اكلمك واناديك ما تدرين ؟
دانه: ما ادري خفت منك
سليمان: وش دعوه انا واثق فيك وابر اهيم
سليمان: الا صح وش كنتي تبين ؟
دانه: بس كنت ابيك توافق لنوره انها تسافر جده تحضر زواج صديقتها ريم
سليمان: طيب تصبحين على خير

---- دانه تكلم وفا
دانه: وفا شفت ابراهيم اليوم وجهي بوجهه
وفا : اماااااااانه
دانه: والله اه اه يجنن والله محلو اكثر من اول
وفا: الله وشلون صاير ؟
دانه: ما ادري مشيب ونحفان مره لابس ثوب ابيض بدون شماغ ولا طاقيه
وفا: وشلون جزمته
دانه: والله فاضيه ما ادري ما شفت
وفا: يلبس نظاره
دانه: لا
وفا: ياليت عندي احد احبه على الاقل الهى فيه شكل اخرتي على زيد
دانه: ههههه عاد زيد وش ملحه
وفا: تكفين اسكتي طبعا مؤمنه نفسك مع ابراهيم وانا بترميني على هالمليح
دانه: اه على ابراهيم يارب ما يضيع حبي عالفاضي
وفا: ان شا الله الله يرزقك

--- بيت ابراهيم الكل نا يم
ابراهيم في غرفته غير ملابسه وانسدح
ويفكر ويفكر
-- صدق على اسمها دانه حلوه
من يصدق ان دانه البنوته الصغيره الكيوته تصير هذي المراءه اللي كلها انثوه اه اه ما تخيلت انها حلوه لهدرجه
ابراهيم يتخيل او بالاصح يتمنى ( اه لو تصير زوجتي ههههههههههههههههههه مصدق نفسي اني شيء وحده بهالشكل وبهالمكانه لا وبخطبها اخمد بس ونم احسنلك)

--- دانه
الله ياحلوه للحين برجولته ياحلو الثوب اللي لابسه اه ابراهيم احبك احبك احبك

---- نجود وسلطان
سلطان : نجود حبيبتي وين الريموت ؟
نجود: فوق الكنب
سلطان : اوكي
نجود: لقيته ؟
سلطان: ايه
نجود: وش عندك متحمس مررررره وش تدور ؟
سلطان: فيه مسلسل يقول فيه ممثله حلوه
نجود: لا والله احلف ما فيه اغار
سلطان: ههههههههه من ممثله اعقلي نجووووووود تسوى عندي الدنيا وما فيها نجوووووود احبها احبها احبك والله احبك
نجود: خلاص فضحتنا


--- نوره: سليمان وش فيك ؟
سليمان: ما فيني شيء
نوره: متاكد؟
سليمان: ايه خلاص بنام
نوره: طيب تصبح على خير
سليمان: نوره
نوره: سم
سليمان : ليش ما قلتيلي على زواج صديقتك اللي بجده
نوره: الا كنت بقولك بس
سليمان: بس ايش نوره الى متى بتظلين كذا انا منب زوجك ليه دايم تخلقين بينا مسافه
نوره: انا لا والله بس انا
سليمان: انت وشو انت معتبرتني واحد غريب
نوره: اذا ودك تتطاق قلي ونتهاوش وبس بلا كل ذا الخرط
سليمان: تدرين نامي احسن

------- عذوب
عذوب : ماجد قم معي للغرفه قم لا تنام بالصاله قم
ماجد: لااااااااااااااااااااااااااااااااااااااااااااااااا اا
عذوب:طيب خلاص على راحتك
فهده: ماما خليه لا يقوم بعدين يعصب
عذوب: طيب ماما يالله روحي نامي





---- انتهى اليوم وانتهى كل شيء فيه

عاد لا تحرمونا من ردودكم المميزه والمقيمه لي هذي القصه ...

ودمت بود وسلام أيها الاعضاء الابطال ...

وشكراََ

مشكوررررررررررررررررعلى القصه الرئعه